Dëgjo këtë artikull tani…Dortmundi detyrohet ta shes yllin më të madh të skuadrës, top klubet evropiane bëjnë gati ofertat
Borussia Dortmund është duke kaluar nëpër një sezon zhgënjyes.
Përkundër se arritën deri në çerekfinale të Ligës së Kampionëve, verdhezinjtë janë në pozitën e tetë në Bundesliga.
Kualifikimi për sezonin e ardhshëm në Ligën e Kampionëve duket i vështirë dhe kësisoj Dortmund është i detyruar të shes një nga yjet më të mëdha të skuadrës për t’i shmangur penalizimeve nga Fair Play Financiar.
Sulmuesi Serhou Guirassy rrezikon të largohet, pasi është lojtari që mund t’i sjell shumë para gjigantit gjerman.
Top klubet evropiane si Juventus, Milan, Chelsea, Arsenal dhe Tottenham Hotspur kanë shprehur interesim për transferimin e tij.
Dortmund nënshkroi me Guirassyn për vetëm 20 milionë euro, derisa tani synojnë që nga shitja e tij të fitojnë 60 milionë euro.
29-vjeçari ka pasur një sezon të jashtëzakonshëm deri më tani, ku në 40 ndeshje zyrtare ka shënuar 28 gola dhe ka asistuar në tetë të tjerë.
