Në elitën e basketbollit amerikan NBA u luajtën pesë ndeshje dhe Phoenix Suns mposhti Golden State Warriors 113:105 në derbin e mbrëmjes.
Ka qenë një ndeshje shumë e luftuar, ku në fundit vendasit triumfuan me rezultat 113:105 dhe më i miri në parket ishte Devin Booker me 27 pikë, nëntë asistime dhe tre kërcime.
I shkëlqyer ishte edhe Kevin Durant me 21 pikë, 10 kërcime dhe tre asistime.
Luka Doncic nuk ishte në parket, por Dallasi i tij ka arritur fitore edhe pa yllin slloven duke mposhtur Utah Jazz me 12 pikë diferencë 106:94.
Kyrie Irving me 30 pikë, nëntë asistime dhe shtatë kërcime ishte më i miri te Mavericks.
Giannis Antetokounmpo pati një paraqitje fenomenale, duke shënuar një triple-double të pabesueshëm në fitoren e Milwaukee ndaj Washingtonit (124:114). Greku shënoi 42 pikë, 12 kërcime dhe 11 asistime.
