Qyteti i Nju Orlins do të jetë sot në mbrëmje epiqendra e Sheteteve të Bashkuara të Amerikës pasi kampionët në fuqi të Kansas Sitit do të sfidojnë Filadelfia Eagles për Super Bowl 59.
Në qytetin e festave të dy skuadrat në rast triumfi do të shkruajnë një faqe të mirë të historisë së NFL-së amerikane. Kështu me një fitore skuadra Kansas Sitit do ti bashkohej një klubi special ekipesh, të cilat kanë ngritur trofeun pesë herë në historinë e tyre. Bëhet fjalë për San Fransisko 49ers dhe Dallas Cowboys.
Në aspektin individual një triumf në Nju Orlins do të thoshte shumë edhe për organizatorin e skuadrës së Chiefs, Patrik Mahoms. Për këtë të fundit do të ishte sukesesi i katërt, po aq sa ka edhe ylli i Steelers, Terri Bredshou. Kujtojmë se në këtë klasifikim i pari është Tom Bredi me 7 tituj ( 6 me Patriots dhe një me Tampa Bej Buccaneers).
Në rast triumfi të Eagles atëherë skuadra e Filadelfias do të futej në historinë e divizionit të lindjes së Konferencës Kombëtare të Futbolit pasi do të barazonte me dy tituj të gjitha skuadrat rivale.
