Një parabolë perfekte, barriera që nuk mund ta ndalë, topi që shkon në mënyrë perfekte në trekëndëshin e portës së Meret. Në goditjen e dënimit që ka zhbllokuar ndeshjen në “Maradona” ka gjithçka: Teknikë, saktësi dhe forcë.
Një gol i rëndësishëm që nuk vlejti thjesht për avantazhin momental të zikaltërve, por edhe për të shkruar pak histori. Që nga momenti kur stadiumi i Napolit ka marrë emrin “Diego Armando Maradona” kishte nisur një mallkim për lojtarët e majtë.
Asnjëri nuk kishte gjetur rrugën e rrjetës me goditje me të majtën nga faullet. Deri më sot, golin e fundit e kishte shënuar Milik në vitin 2019 gjatë ndeshjes Napoli-Lacio, por në atë kohë stadiumi quhej “San Paolo”.
PANORAMASPORT.AL
