Manchester United e ka nisur dobët sezonin e ri në Premier League dhe sipas superkompjuterit të Optas, situata mund të përkeqësohet edhe më tej.
Pas humbjes 3–0 ndaj Manchester Cityt, skuadra e Ruben Amorim ka grumbulluar vetëm katër pikë në katër ndeshje.
Kjo është nisja më e dobët që nga sezoni 1992, edhe pse atëherë klubi e mbylli me titull kampion nën drejtimin e Sir Alex Ferguson.
Opta, parashikon këto rezultate për Manchester United:
Fiton Premier League: 0.18%
Kualifikohet në Ligën e Kampionëve: 4.18%
Kualifikohet në Ligën e Evropës: 3.15%
Bie nga kategoria: 10.95%
Në renditjen përfundimtare të parashikuar, United pritet të përfundojë në vendin e 13-të me më pak se 48 pikë.
Në sezonin e kaluar, klubi përfundoi në vendin e 15-të me 42 pikë.
Pavarësisht një paraqitjeje të mirë ndaj Arsenalit që përfundoi me humbje, United barazoi me Fulhamin dhe u eliminua në mënyrë turpëruese nga Grimsby Town në Carabao Cup.
Deri tani, fitorja e vetme e sezonit ka ardhur ndaj Burnleyt, pas një penalltie në minutat shtesë.
Sipas të njëjtit model, vetëm shtatë skuadra kanë më shumë gjasa për rënie se Manchester United: Burnley (52.23%), Wolves (50.76%), Sunderland (46.02%), Leeds (44.92%), West Ham (36.06%), Fulham dhe Nottingham Forest.
