Fillimi i sezonit pranveror në futboll, do të nis më 7 shkurt, me duelet e javës së 19-të të Superligës.
Xhiroja e 19-të do të zhvillohet ndërmjet datave 7, 8 dhe 10 shkurt.
Kampionati i futbollit vazhdon me garën e Kupës së Kosovës që luhet më 12 e 13 shkurt, ndërsa më 15 shkurt nis sezoni pranveror në Ligën e Parë.
Kjo është vendosur të enjten mbrëma pas mbajtjes së mbledhjes së Komitetit Ekzekutiv të FFK-së.
“Në këtë mbledhje u diskutua gjithashtu për Kuvendin e Rregullt të Punës, i cili do të mbahet më 5 shkurt, ku u konstatua se janë bërë të gjitha përgatitjet e duhura dhe materiali i kuvendit është shpërndarë në kohën e paraparë”, thuhet në njoftimin e FFK-së.
Teilen:
