Xhiro e 22-të në Albi Mall Superligë vazhdon edhe sot (e diel) me dy ndeshje në program për t’u zhvilluar.
Padyshim që dueli kryesor i ditës së sotme do të zhvillohet në stadiumin ‘Liman Gegaj’ në Malishevë, ku Malisheva pret Ballkanin.
Është një përballje mes vendit të tretë në kampionat dhe të dytit, ku diferenca është pesë pikë.
Vendasit kërkojnë fitore që të qëndrojnë të qetë në pozitën e tretë dhe t’i afrohen sa më shumë të dytës.
Në anën tjetër mysafirët vetëm me fitore do të mbeteshin pranë Dritës.
Ndeshje tjetër shumë interesante do të zhvillohet edhe në Gjilan, me Dritën që është nikoqir i Ferizajt.
Dy skuadrat bardhekaltër kërkojnë vetëm tre pikët në këtë përballje.
Të dyja ndeshjet e ditës së sotme fillojnë nga ora 14:00.
