• Lajmet e fundit
  • Sport
  • Euro 2024
  • Futboll Bota
  • Moto GP
  • Formula 1
  • Basketball
Monday, June 9, 2025
No Result
View All Result
Gazeta Sportal
  • Lajmet e fundit
  • Sport
  • Euro 2024
  • Futboll Bota
  • Moto GP
  • Formula 1
  • Basketball
No Result
View All Result
Gazeta Sportal
No Result
View All Result

Sylvinho, java e së vërtetës, FSHF kërkon rinovimin, “topi në fushën” e trajnerit

08/07/2024
in Sport
Share on FacebookShare on Twitter

Sylvinho po, Sylvinho jo. Dyshimet që rrethuan pankinën e Kombëtares së Shqipërisë pas eliminimit nga Euro 2024 do të shuhen brenda kësaj jave.

Pushimet e teknikut brazilian kanë përfunduar, ndërsa tekniku pritet të kthehet në Tiranë me ide të qarta për të ardhmen, ku në program është një takim me Presidentin e Federatës, Armand Duka që do të vendosë përfundimisht çështjen e trajnerit kuqezi.

Nga FSHF rrjedh një farë optimizmi, kjo edhe për dëshirën e qeverisë shqiptare të futbollit për të rinovuar kontratën, por për të kërcyer “tangon” duhen dy vetë, ndërsa topi qëndron në fushën e Sylvinho, që para finaleve të Euro 2024, kur në tavolinën e tij u vendos kontrata e re.

Refuzimi i atëhershëm i teknikut dhe ngurrimi gjatë javëve të fundit mban gjallë gjithë opsionet. Po ashtu, lajmet nga mediat spanjolle, portugeze dhe braziliane për oferta të tjera, vetëm sa kanë shtuar dozat e dyshuesëve.

Numri i skeptikëve u rrit pas paraqitjes së Kombëtares së Shqipërisë në Euro 2024. Pas një fushate eliminatore të shkëlqyer, Sylvinho provoi të ndryshojë në ndeshjet e Evropianit. Për disa ishte mungesë guximi, për të tjerë vështirësi nga ana e teknikut për të lexuar sfidat, ndërsa thuajse të gjithë kritikuan zëvendësimet e tij.

Të gjitha këto pikëpyetje do të marrin përgjigje shumë shpejt, ndërsa numërimi mbrapsht ka nisur deri në vendimin final për pankinën “kuqezi”. /i.m /abcnews.al

Next Post

Bellingham nuk e llogarit Holandën: Në finale dua Spanjën!

© 2023 Gazeta Sportal - Lajmet e fundit sportive nga vendi dhe bota.

No Result
View All Result
  • Lajmet e fundit
  • Sport
  • Euro 2024
  • Futboll Bota
  • Moto GP
  • Formula 1
  • Basketball

© 2023 Gazeta Sportal - Lajmet e fundit sportive nga vendi dhe bota.