Talenti turk, Arda Guler vazhdon të jetë i lënduar, por është në fazën finale të shërimit.
Guler ende nuk ka arritur të debutoj në një ndeshje zyrtare për Real Madridin dhe pritjet janë të mëdha për të.
18-vjeçari ishte lënduar në stërvitje të klubit madrilen pa mundur të luaj në një ndeshje zyrtare deri më tani.
Megjithatë pritjes po i vije fundi pasi Guler pritet të rikthehet në fushën e blertë pas dy javëve, shkruan mediat spanjolle, përcjell lajmi.net.
Los Blancos po shpresojnë se do ta kenë të gatshëm sulmuesin që të debutoj me ta pas ndeshjeve të kombëtareve ku Real Madridi luan në udhëtim te Sevilla.
Guler iu bashkua Real Madridit në afatin kalimtar veror nga Fenerbahce për shumën e 20 milionë eurove. /Lajmi.net/
