Lamtumira mes Xhejdon Sanço dhe Mançester Junajtid tashmë pritet vetëm të zyrtarizohet, me yllin anglez që prej kohësh është përjashtuar nga skuadra prej teknikut Erik Ten Hag.
Pasi u përjashtua nga çdo aktivitet i mundshëm i skuadrës, madje dhe nga drekat dhe darkat, tashmë atë e nxorën dhe nga grupi i “WhatsApp”-it të skuadrës.
Atë e përdornin trajneri Ten Hag dhe stafi i tij për t’i dhënë udhëzime dhe informacione të ndryshme skuadrës.
Sanço erdhi te Junajtid nga Dortmundi në verën e vitit 2021 për 85 milionë euro dhe ka dështuar që të përmbushë pritshmëritë e tij.
Të interesuar për 23-vjeçarin anglez janë Juventusi dhe disa klube nga Arabia Saudite.
PANORAMASPORT.AL
Teilen:
