Marko Tardeli, ish-mesfushori i Juventusit (1975-1985), Interit (1985-1987) dhe i kombëtares italiane (1976-1986, kampion bote në 1982), si dhe ish-trajneri i të rinjve të Italisë, ka folur për “Quotidiano Sportivo”, duke prekur disa çështje.
Nuk mund të mungonte edhe një analizë për momentin e Milanit, që mes rezultateve të fushës dhe amullisë në klub ka hasur në shumë probleme. “Nuk besoj se trajnerët apo lojtarët kanë më shumë faje se drejtuesit. Në fakt, për mendimin tim, ata janë shkaku kryesor i kaq shumë problemeve.
Renditja dhe ecuria janë pasojë për gabimet e klubit, sepse kam vënë re që ka shumë konfuzion që prej fillimit të sezonit. E, megjithatë, lojtarët janë cilësorë. Me Stefano Piolin gjërat nuk po shkonin aq keq, ndërkohë që aktualisht në Serinë A nuk ka klub më të rrëmujshëm se ai kuqezi”.
PANORAMASPORT.AL
