Ish-drejtori sportiv i Lacios, Igli Tare ka folur për median italiane “Cronache di Spogliatorio”, teksa zbuloi një rast të veçantë transferimi nga koha kur ishte te klubi italian. Ndër të tjera ai tha se Kim Min-jae është një tjetër keqardhje për të.
“Unë e kisha marrë Kavanin te Lacio. Në fund Zamparini nuk donte të ma jepte. Ishte një huazim me detyrim blerjeje, këtu bëhet fjalë përpara se ai të mbërrinte në Europë, por ne morëm ndërmjetësin e gabuar. Kishim informacione të gabuara, madje bëra një ofertë. Kim është një tjetër keqardhje. Kur ishte në Shangai, ne kishim bërë një ofertë, para se të shkonte te Fenerbahçe”, deklaroi Tare.
PANORAMASPORT.AL
