Igli Tare i ka dhënë lamtumirën Lacios pas 18 vitesh pjesë e klubit. Disa si futbollist, por shumica si një drejtues, i cili falë punës së tij u cilësua si “magjistari” i merkatos në futbollin italian për nuhatjen e tij për goditje të bujshme me kosto të ulët. Një nuhatje e cila i solli Lacios futbollistë të afirmuar, e falë tyre edhe trofe e rezultate të rëndësishme.
Ndërkohë së fundmi, në lidhje me ndikimin që kishte Tare, te Lacio, ka folur, ish-sulmuesi lacial, Bruno Xhordano, që në një rrëfim special për “Corriere della Sera”, teksa pyetet për Taren, deklaron:
“Tare ishte një centralizues që bënte gjithçka vetë, tani është trajneri që thotë fjalën e tij, presidenti që më duket më vigjilent dhe më prezent, Fabiani është aktiv dhe njerëzit e besuar të Lotitos që i ndihmojnë. Sigurisht, bashkëpunojmë edhe me agjentët, por më duket se ka një qasje tjetër.
Tare praktikisht çdo gjë e ka bërë vetë, rrallëherë i ka dëgjuar trajnerët, tani besoj se Sarri ka më shumë pushtet”, deklaroi Xhordano.
PANORAMASPORT.AL
