Mehdi Taremi është një nga objektivat kryesorë të Interit në merkaton e verës. Sulmuesi i Portos, përpos gjithë eksperiencës së tij plotëson edhe një nga kushtet ideale të Marotës, atë të një transferimi me parametër zero.
31- vjeçari nuk do të rinovojë me portugezët dhe është gati t’u bashkohet zikaltërve, ndërkohë që në selinë e milanezëve të mërkurën ka qenë i pranishëm ndërmjetësi i operacionit, Federiko Pastorelo. Mes palëve ka ende një sërë formalitetesh për t’u zgjidhur, por rruga duket ajo e duhura.
Sipas asaj që raporton “Sky Sport” mbyllja përfundimtare e marrëveshjes së iranianit me Interin me shumë gjasa do të vijë pas përfundimit të Kupës së Azisë, me Taremin gati për t’iu bashkuar ekipit në korrik, për një kontratë 3-vjeçare me 3 milionë euro në sezon.
ZIELINSKI –
Marota po përgatitet të realizojë një goditje të dyfishtë me parametër zero dhe vazhdojnë negociata për Piotr Zielinskin. Mesfushori nuk do të rinovojë me Napolin dhe po kryen bisedime me zikaltrit për një transferim që mund të vijë për tri vitet e ardhshme me opsion për një të katërt, me një pagë që pritet të prekë 4.5 milionë eurot në sezon.
PANORAMASPORT.AL
