Legjenda e Milanit, Mauro Tassotti pranon se kuqezinjtë janë ende të çekuilibruar nën drejtimin e trajnerit të ri Paulo Fonseca, por Theo Hernandez dhe Rafael Leao ‘duhet të kërkojnë falje’.
Milani ka pasur një fillim të ngadaltë të sezonit, duke fituar vetëm dy pikë në tre ndeshjet e para, transmeton GazetaBlic Sport.
Ata barazuan kundër Torinos dhe Lazios dhe humbën ndaj Parmës. Kuqezinjtë shënuan pesë gola, por pranuan gjashtë tashmë.
“Milani po përpiqet të jetë agresiv dhe të dominojë ndeshjet”, tha ish-mbrojtësi i Milanit, Tassotti për La Gazzetta dello Sport.
“Nuk ishte bukur të shikoje Theo dhe Leao në atë mënyrë. Lojtarët duhet të kërkojnë falje, edhe nëse vetëm brenda dhomës së zhveshjes. Ishte një gjë e çmendur dhe fjalët e Theos dukeshin si një justifikim. Qëndrimi ishte i gabuar. Nuk ka asgjë tjetër për të thënë.”
/GazetaBlic Sprt/
