Administratori i deleguar Xhuzepe Marota ka zbuluar planet e Interit për merkaton e janarit, duke theksuar se një anësor i djathtë është i domosdoshëm, në kushtet e mungesës së gjatë të Kuadrados. Emri favorit për të veshur fanellën zikaltër duket kanadezi Tajon Bukanan, i cili prej dy ndeshjesh nuk grumbullohet më me Klub Bryezh, megjithatë Marota ka refuzuar të përmendë emra.
“Në janar do të afrojmë një anësor. Nuk kishim plan të hynim në merkato, por dëmtimi i Kuadrados na detyron të afrojmë një tjetër futbollist. Po studiojmë alternativat dhe shumë shpejt do të vendosim. Po negociojmë për rinovimin me disa prej futbollistëve, por nuk kemi asnjë nxitim. Të gjithë duan të vazhdojnë të qëndrojnë te Interi dhe kjo është shumë e rëndësishme. Në këtë mënyrë kemi kohën e duhur për të përgatitur terrenin për rinovimin”, tha Marota.
PANORAMASPORT.AL
