Pol Pogba rezultoi pozitiv në testet e dopingut, duke qenë se futbollisti francez kishte përdorur testosteron, gjë e cila ndihmon në forcimin e muskujve. Për këtë, Pogba u pezullua menjëherë dhe është në pritje për të bërë kundër-testin që do të konfirmojë ose do të hedhë poshtë vendimin për pezullim.
Sakaq, rezultati pozitiv ka bërë që edhe te Juventusi të ketë një vendim për futbollistin, të cilit tashmë i është ulur paga ndjeshëm. Pogba do të përfitojë rreth 2 mijë euro në muaj. Diçka të tillë, në fakt e parashikon rregullorja në Itali për raste spcifike, kur lojtarët rezultojnë me substanca dopingu, pa dijeninë e klubit.
Për Pogbanë, kjo është një tjetër goditje e madhe, duke qenë se mesfushori do të përfitojë tashmë një rrogë sa futbollistët e Superiores. Para këtij vendimi, Pogba ishte futbollisti më i paguar në Itali duke përfituar rreth 10.3 milionë euro në sezon.
PANORAMASPORT.AL
