Janë 15 futbollistë që do t’i bashkoheni Milanit në grumbullimin e radhës që duhet të materializohet në fillim të muajit korrik.
Disa janë huazuar në Itali e të tjera në vende jashtë territorit italian. Shumë pak prej tyre kanë bërë mirë dhe mund të vlerësohen për të vijuar të luajnë për Milanin, teksa të tjerët, me gjasë, do të kenë nevojë për sistemim të ri. Të sigurt për shitje janë vetëm De Ketelare dhe Salmakers nga të cilët përfitimi financiar do të jetë në rendin e 50 milionë eurove. Mund të shitet edhe Kolombo, teksa priten oferta edhe për Daniel Maldinin. Balo-Ture dhe Origi që dështuan në përvojat e tyre angleze kanë nevojë për zgjidhje, teksa Luka Romero mund të ketë shanset e tij gjatë miqësoreve të verës përpara se të merret një vendim për të.
Portieri Devis Vaskes dhe anësori Çaka Traore zor se do të kenë hapësirë në organikën e “Djallit” për sezonin e ri, dhe akoma më pak shanse do të ketë Markos Pelegrino që me Salernitanën nuk konfirmoi asgjë nga ato cilësi që e patën përfshirë edhe në grumbullimin e Argjentinës. Edhe situatës së Marko Lazetiçit do të duhet t’i gjendet një zgjidhje teksa të rinjtë Nasti, Bocolan, Gala dhe Omoregbe mund të llogariten për ekipin e 23-vjeçarëve.
PANORAMASPORT.AL
