Në prag të përballjes ndaj Barcelonës në Champions League, Ismael Garcia, ndihmëstrajneri i Galatasaray, tha se të luash kundër klubit katalanas është njësoj si të shkosh te denitsti, në intervistën e tij për Sport.
“Të luash kundër Barcelonës është si të shkosh te dentisti. E di që do të të shkaktojë dhimbje, por duhet të shkosh dhe ta përballosh situatën në mënyrën më të mirë të mundshme”, tha fillimisht Garcia.
“Barcelona është favoritja kryesore për të fituar titullin e Champions League. Por, siç ndodh me të gjitha skuadrat, ata kanë dobësi që besojmë se jemi të aftë t’i shfrytëzojmë për t’i dëmtuar. Shpresoj t’ia dalim mbanë”, shtoi ndihmëstrajneri i Galatasaray-it.
Në lidhje me mungesën e Raphinha-s në këtë takim për shkak të problemeve fizike, Garcia u shpreh se ky ishte një lajm i mirë për ta.
“Jemi të lumtur që Raphinha do të mungojë nesër, pasi ai po bën paraqitje të shkëlqyera. ër momentin, e shoh atë si një lojtar të niveleve më të larta, i cili, njëkohësisht, nuk e merr vlerësimin që meriton.
Sa i përket Yamal-it, ai është lojtari më i talentuar në botë për momentin, por ndonjëherë mund të ketë disa shkujdesje në mbrojtje. Ndoshta do të mund ta shfrytëzojmë këtë”, tha Garcia.
