Trajneri i Atletik Bilbaos, Ernesto Valverde ka folur për mediat spanjolle para duelit kundër Barcelonës dhe ka bërë me dije se në asnjë moment nuk i është druajtur largimit të Niko Uilliams.
Sulmuesi i baskëve u kërkua me mjaft ngulm nga Barcelona, por në fund ai qëndroi në Bilbao dhe sot do të sfidojë Barcelonën në shtëpinë e saj. “Gjithnjë kam qenë i qetë në lidhje me situatën e Niko Uilliams.
Nuk e mendoja se ai do të shkonte te Barcelona dhe ja ku jemi me Nikon në përbërje para takimit kundër Barcelonës”, deklaroi Valverde. Sa për ndeshjen, ai theksoi se Bilbao shkon për maksimumin në “Montjuiç”. “Duam të bëjmë më të mirën e të marrim tri pikët në Barcelonë”, tha ai.
PANORAMASPORT.AL
