Fenomeni Ronaldo ka qenë gjatë këtyre ditëve në Itali për datëlindjen surprizë të Masimo Moratit dhe ka folur për ish-presidentin e Interit dhe momentin pozitiv që po kalojnë zikaltrit në Champions. “Jam këtu në Itali falë Moratit.
Kam ardhur vetëm për ditëlindjen e tij. Është një nga personat më të mirë që kam njohur në botën e futbollit. Sigurisht që doja të isha patjetër. Champions? Shpresoj që gjërat të shkojnë mirë për Interin. Nuk them asgjë tjetër. Kam parë që skuadër që ka shumë mundësi sepse janë duke luajtur një futboll të mrekullueshëm.
Gjysmëfinalja kundër Barcelonës ishte për infarkt, por e kemi luajtur në mënyrë të mrekullueshme. Do të jetë një finale e vështirë kundër PSG-së që është duke luajtur mirë dhe ka një trajner si Enrike, që është i fortë. Interi ka traditën dhe historinë dhe shpresoj që të fitojë”, ka thënë Ronaldo për mediat italiane përpara garës së “Formula 1”, ku ishte i ftuar special. Ronaldo bashkë me disa ish-lojtarë të Interit ishin prezentë në festën e jashtëzakonshme të presidentit Morati.
PANORAMASPORT.AL
