Skuadra e Manchester United ka fituar ndaj Newcastle United sonte me rezultatin 3-2, në ndeshjen e fundit të këtij sezoni në ‘Old Trafford’.
Pas ndeshjes, trajneri i Manchester United, Ten Haag, foli për tifozët, të cilëve iu premtoi se do përforcohen dhe se do ta fitojnë FA Cup, kompeticion në të cilin janë në finale dhe duan të triumfojnë ndaj Cityt, përcjell GazetaBlic Sport.
“Në emër të lojtarëve, stafit dhe vetes time dua t’ju falënderoj të gjithëve për mbështetjen e shkëlqyer gjatë këtij sezoni.
“Siç e dini, nuk ishte një sezon i lehtë, por një gjë mbeti konstante dhe kjo ishte mbështetja juaj për ekipin.
“Ky sezon nuk ka përfunduar ende. Së pari ne shkojmë në Brighton ku udhëtojmë për tre pikë dhe më pas shkojmë në Wembley. Dhe ju premtoj se ata lojtarë do të japin gjithçka për ta marrë atë kupë dhe për ta sjellë në Old Trafford.
“Ne jemi të sigurt që do të jeni atje duke na mbështetur – faleminderit, ju jeni tifozët më të mirë në botë”, përfundoi ai.
/GazetaBlic Sport
