Erik ten Hag ka këmbëngulur se Manchester United nuk synon të shesë Anthony Martial në janar, pavarësisht paraqitjeve të tij këtë sezon.
Pavarësisht vështirësive të Martialit para portës, duke shënuar vetëm një herë në 13 paraqitje në Premierligë, trajneri i United ka zbuluar se klubi dëshiron ta mbajë sulmuesin francez të paktën deri në fund të sezonit, shkruan lajmi.net.
Ish-ylli i Monacos ka munguar në tre ndeshjet e fundit të United për shkak të një “sëmundjeje” të panjohur, e cila nxiti më tej spekulimet për të ardhmen e tij në “Old Trafford”.
“Kur të kemi lajme, atëherë sigurisht që do t’i tregoj. Por ky nuk është qëllimi ynë”, tha Ten Hag për të ardhmen e Martial.
Martial ka bërë vetëm 137 pasime në 13 ndeshje këtë sezon.
Goli i tij i vetëm i sezonit erdhi në fitoren 3-0 ndaj Crystal Palace në Kupën e Carabaos. /Lajmi.net/
