Trajneri i Egnatia-s, Edlir Tetova, ka paralajmëruar përplasjen me Borcin e Banjallukës.
Skuadra kampione e Shqipërisë, Egnatia, aktualisht po qëndron në Banjallukë, ku nesër (21.00) do të përballet me ekipin serb
Borcin, në kuadër të ndeshjes së parë të kualifikueseve për Champions League.
“Kjo do të jetë një ndeshje e vështirë, e kam ndjekur Borcin në Slloveni sepse ishim afër në përgatitje.
Ata janë shumë të durueshëm në ndërtimin e lojës, por ne do t’u bëjmë rezistencë. Nga ajo që pamë, nuk mundëm që të mësojmë shumë për futbollistët individualisht, por ne e dimë që Borci ka një ekip shumë të mirë në tranzicion
Ndeshja do të jetë vendimtare, jo vetëm për ne, por edhe për skuadrën e Borcit. Ne do të kemi mundësinë të mësojmë disa gjëra për njëri-tjetrin“, – tha Tetova..
