Legjenda e Arsenalit, Thierry Henry, ka deklaruar se nuk ishte e mundur që Lionel Messi të luante futbollin e tij më të mirë në PSG së bashku me Kylian Mbappe dhe Neymar.

Fituesi i Kupës së Botës shënoi 32 gola në 75 paraqitje gjatë kohës së tij në kryeqytetin francez, duke fituar radhazi titujt e Ligue 1.

Thashethemet për prishjen e marrëdhënieve me sulmuesit e tjerë Mbappe dhe Neymar dominuan në muajt e fundit të sezonit të kaluar.

Henry, i cili kohët e fundit u bë trajner i skuadrës së Francës U21, foli për treshen e famshme të PSG-së dhe rolin e Lionel Messit në skuadër.

“Po flisja për strukturën, organizimin. Si luanin me të tre: Messi, Neymar dhe Mbappe, në të njëjtën kohë?

“Kur Messi luajti me skuadrën e Argjentinës, kishte një strukturë. Nuk ka tre Messi, është vetëm ai. Ju e vendosni atë në  kornizë ku vetëm ai është shefi dhe ai do të shkëlqejë.’’ Tha Henry. /Lajmi.net/