Nico Paz do të rikthehet përfundimisht te Real Madrid, me përfundimin e këtij sezoni. “Diario AS” bën me dije se drejtuesit e klubit madrilen kanë vendosur që tani të paguajnë kluazolën 9 milionë euro dhe të rikthejnë në ekip yllin argjentinas, i cili prej dy sezonesh po shkëlqen në Serie A, te Como.
Pavarësisht interesimit të madh nga klubet e tjera, sidomos nga Inter, “Los Blancos” kanë vendosur të rikthejnë Nico Paz dhe t’i besojnë atij një vend në ekipin e parë. Pastaj do të varet nga ecuria e lojtarit, nëse do ia dalë të fitojë vendin në formacionin titullar ose jo.
Nico Paz ka shënuar 10 gola dhe ka dhënë 6 asiste deri tani me Como-n, duke qenë padyshim një nga protagonistët kryesor në ekipin e drejtuar nga Cesc Fabregas, që aktualisht renditet në vendin e 4-të në Serie A.
