Në fund të këtij sezoni, Juventusi dhe Milani mund të ndryshojnë trajner. Alegri pritet të vendosë nëse do të rinovojë apo jo ndërsa në shtëpinë e “djallit” duket i sigurt largimi i Piolit.
Corriere dello Sport, shkruan këtë të mërkurë se Tiago Mota është trajneri që po trazon drejtuesit e disa klubeve në Serie A, mes tyre Juve, Milan dhe Napoli.
Nuk është një sekret se Xhuntoli, drejtori sportiv i Juves, ka një pëlqim të madh për Motan. Edhe Furlani i Milanit e ka në listën e dëshirave, ndërsa De Laurentis i Napolit e ka shprehur publikisht pëlqimin e tij për të.
Por çfarë dëshiron vetë trajneri i Bolonjës? Për momentin, agjenti i Motas u mjaftua duke përjashtuar Napolin si opsion.
PANORAMASPORT.AL