36-vjeçari, kontabilist milanez Marco Leonardo Basoccu (emër i raportuar nga “La Stampa”), ndodhet i shtruar në koma farmakologjike në repartin e terapisë intensive të spitalit “Molinette” në Torino, ku iu nënshtrua ndërhyrjes urgjente neurokirurgjikale për një traumë të rëndë kraniale, të shkaktuar nga goditja e dyshuar e bombulës së gazit lotsjellës të policisë, hedhur para derbit Torino–Juventus. Gjendja e tij është e qëndrueshme dhe nuk raportohet rrezik për jetën.
Ngjarja ndodhi teksa ai po i afrohej stadiumit së bashku me grupin ultras “Viking” të Milanos dhe po hetohet nga “Digos” dhe “Reparto Mobile”. Familjarët presin CT kontrolli për të vlerësuar përthithjen e hematomës, ndërsa prognoza mbetet e rezervuar.
Miku i tij, Mattia, tha: “Pas një shkëmbimi objektesh mes tifozëve të Juves dhe Torinos, pati përleshje, por më duket e tepruar të përdoret gaz lotsjellës në lartësi njerëzore. E pashë vetë policinë kur goditi Marco…, ka qëlluar nga 10–20 metra larg. Kjo nuk është normale. Ai ra në tokë dhe ambulanca vonoi, mbërriti në spital pas më shumë se një ore”.
