Samuel Chukwueze është një nga blerjet më cilësore të Milanit gjatë kësaj merkatoje verore. Kuqezinjtë siguruan sulmuesin e djathtë nga Villarreali për 20+8 milionë euro.
24-vjeçari firmosi një kontratë 4-vjeçare me Milanin, që pas shumë kohësh siguron një element cilësor në krahun e djathtë të sulmit për trajnerin Pioli. I cili nuk e fshehu gëzimin e tij për blerjen e nigerianit:
“Ne po kërkonim për një sulmues krahu si ai.
Është i shpejtë, teknik dhe i fortë në duelet një kundër një.
Ka edhe aftësinë të sulmojë thellësinë, është i kompletuar“, deklaroi Pioli.
Në lidhje me Chukwuezen dhe transferimin e tij te Milani, ka folur edhe Gernot Rohr, ish-trajneri i kombëtares së Nigerisë. 70-vjeçari ishte i pari që e afroi Chukwuezen në kombëtaren afrikane pesë vite më parë.
