Tifozët e Arsenalit kanë krijuar një faqe për të mbledhur 25 milionë funte.
Ata dëshirojnë t’ia dhurojnë West Hamit këtë shumë për Declan Rice, pasi besojnë që Arsenali duhet të kishte paguar më shumë për mesfushorin anglez, shkruan lajmi.net.
Reprezentuesi anglez, i cili iu bashkua Arsenalit nga West Ham në një marrëveshje prej 105 milionë, ishte përsëri “heroi” i “Topçinjëve” pasi shënoi në minutën e 97-të dhe ndihmoi skuadrën e tij të mposht Luton Town në Premierligë.
Të ngazëllyer nga heroizmi i mesfushorit, një grup tifozësh të Arsenalit krijuan një faqe “GoFundMe” për të mbledhur 25 milionë funte shtesë për “Hammers” – sipas The Daily Mail.
Në përshkrimin e faqes zyrtare të GoFundMe thuhet:
“Në dritën e grabitjes fatkeqe të West Ham United. Ne po kërkojmë nga tifozët e Arsenalit të mblidhen së bashku për të mbledhur fonde për West Ham United për të kompensuar nënpagesën e Declan Rice”. /Lajmi.net/
