Nëse nuk ishte tashmë shumë e qartë, tifozët e Juventusit nuk janë më të kënaqur me përpjekjet e klubit të tyre për të nënshkruar me Romelu Lukakun nga Chelsea.
Tifozët e Juventusit u vërsulën në fushën e Allianz Stadium, teksa një ndeshje stërvitore mes ekipit të parë të klubit dhe ekipit rezervë përfundoi në kaos. Duke protestuar kundër nënshkrimit të mundshëm të 30-vjeçarit, ata brohoritën: “Nuk e duam Lukakun!”
Reprezentuesi belg thuhet se ka rënë dakord për kushtet personale me skuadrën e Serie A, përpara një transferimi të propozuar nga Chelsea këtë verë, me Dushan Vlahovic që pritet të shkojë në drejtimin tjetër.
Lukaku tashmë ka mjaft përvojë në Serie A, pas dy periudhave të mëparshme me rivalët e mëdhenj të ‘Bianconerëve’, Interin. Ai madje ishte golashënuesi më i mirë pasi skuadra e ‘Nerazzurrëve’ të Antonio Contes fitoi titullin në sezonin 2020-21.
Megjithatë, ultrasit e Juves e kanë paralajmëruar tashmë klubin një herë që të mos e nënshkruajë me të./Lajmi.net/
Invasione (anche senza Villar Perosa) #Juve pic.twitter.com/zpGsQcm7Ko
— Massimiliano Nerozzi (@MaxNerozzi) August 9, 2023
