Milani nuk e nis këtë sezon futbollistik në mënyrën më të mirë të mundshme, pasi ekziston një pasiguri e madhe rreth projektit të “RebBird”. Largimi i shumë emrave të njohur nga skuadra e sidomos të arkitektëve të ekipit që fitoi titullin kampion, Maldini e Masara, ka bërë që tifozët të jenë shumë skeptikë sa i përket të ardhmes së klubit.
Skeptikë, por gjithsesi shumë pranë skuadrës, pasi kuqezinjtë kanë bërë të ditur se që në javën e parë të korrikut janë shitur të gjitha abonimet sezonale për ndeshjet në stadiumin “San Siro”. Klubi kishte nxjerrë në shitje 41500 abonime për biletat sezonale dhe ajo janë blerë të gjitha, gjë që në verën e kaluar kishte ndodhur vetëm në javët e fundit të gushtit, edhe pse skuadra vinte nga fitorja e titullit kampion.
Kjo do të thotë se përtej pakënaqësisë në rrjete sociale apo edhe skepticizmit, tifozët e Milanit vazhdojnë të jenë përsëri afër skuadrës dhe këtë e treguar edhe në një edicion ku gjërat nuk shkuan ashtu siç pritej. Mesatarja e më shumë se 71500 tifozëve të pranishëm në çdo ndeshje në shtëpi në edicionin që u mbyll, tregon se interesi për ekipin është i jashtëzakonshëm. Tani është në dorën e klubit që ta justifikojë atë.
PANORAMASPORT.AL
