Janë luajtur ndeshjet e javës së 18-të të Kampionatit Kombëtar në Basketboll për femra. Tirana ka rimarrë kreun e renditjes pas fitores 99-89 ndaj Teutës, ndeshje e luajtur në “Fahrie Hoti”.
Një ndeshje e komanduar nga vajzat bardheblu, që u shkëputën 61-46 në përfundim të pjesës së parë. Më tej, ato administruan avantazhin. Ikete me 42 pikë e 18 rebound ishte shënuesja më e mirë.
Pa problem fiton edhe Partizani, që mundi në “Asllan Rusi” rivalet e Elbasanit, duke mos e vënë në asnjë moment në diskutim fitoren. Sukses që mban skuadrën kryeqytetase pas dyshes kryesuese.
Kategoria e Parë-Femra, java e 18-të
Partizani – Elbasani, 106-79
Tirana – Teuta, 99-89
Vllaznia – Studenti, e shtyrë
Flamurtari (pushim)
Renditja: Flamurtari 29 pikë, Tirana 29 pikë, Partizani 27 pikë, Teuta 22 pikë, Vllaznia 19 pikë, Studenti 17 pikë, Elbasani 16 pikë.
