Tirana kryesuese e kampionatit të Kategorisë së Parë në basketboll për femra e ka nisur mbarë këtë vit. Bardheblutë fituan 77-63 në fushën e Elbasanit. Ndeshje pa shumë histori, komanduar që nga perioda e parë nga kryeqytetaset.
E njëjta situatë edhe në takimin e luajtur në kryeqytet, ku Partizani mundi 100-86 Teutën. Skuadra e kuqe u shkëput ndjeshëm në pjesën e parë dhe në të dytën administroi avantazhin. 6 lojtare të Partizanit realizuan mbi 10 pikë.
Në Shkodër, skuadra e Flamurtarit fitoi 77-50 ndaj Vllaznisë. Ndeshjen e ekuilibruar vetëm në periodën e parë, pasi më tej gjithcka ishte nëm komandën e ekipit vlonjat. Johnson me 25 pikë e Tomas me 24 u dalluan për Flamurtarin.
Kategoria e Parë-Femra, java e 11-të
Elbasani – Tirana, 63-77
Partizani – Teuta, 100-86
Vllaznia – Flamurtari, 50-77
Studenti (pushim)
Renditja: Tirana 19 pikë, Flamurtari 17 pikë, Partizani 17 pikë, Vllaznia 13 pikë, Teuta 13 pikë, Studenti 11 pikë, Elbasani 9 pikë.
