Tirana do të përballet këtë të shtunë me Teutën, për të luajtur ndeshjen e vlefshme për javën e 35-të të Superiores.
Sfida që do të zhvillohet në stadiumin “Arena Kombëtare”, nis në orën 15:30.
Në prag të këtij dueli, klubi i Tiranës ka shpërndarë në rrjetet sociale një foto që “fik” tifozët.
Sulmuesi Emmanuel Ernest, i cili u dëmtua në derbin përballë Partizanit, ka mbyllur sezonin.
Pas operimit, Ernest do të mungojë dy muaj.
Ernest shihet në ambientet e spitalit dhe me shpatullën e fashuar.
Një humbje e madhe për bardheblutë, të cilët përballë Teutës në një ndeshje tepër delikate duhet të bëjnë pa një lojtar efikas.
