Këtë të diel, më datë 21 shtator 2025, Tirana do të presë zhvillimin e “Tiranathlon”, një event sportiv që kombinon notin, çiklizmin dhe vrapimin. Qindra sportistë do të garojnë në një itinerar të përcaktuar nga Bashkia e Tiranës pranë Liqenit të Farkës, duke synuar promovimin e vlerave turistike të zonës.
Për të siguruar mbarëvajtjen e aktivitetit, Bashkia e Tiranës, në bashkëpunim me Policinë e Shtetit, informojnë se kanë vendosur kufizime qarkullimi për automjete në disa segmente rrugore nga ora 08:00 deri në orën 13:00.
Rrugët ku do të kufizohet qarkullimi përfshijnë:
Rruga e “Tuneleve”: Nga kryqëzimi me rrugën “Daxhir” deri te kryqëzimi me rrugën “Panorama e Liqenit”.
Rruga “Daxhit”: Nga kryqëzimi me rrugën “Shaqir Palushi” deri te kryqëzimi me rrugën e “Vrapëve”.
Rruga “Diga e Liqenit”: Nga kryqëzimi me rrugën “Panorama e Liqenit” deri te kryqëzimi me rrugën “Daxhit”.
Rruga “Panorama e Liqenit”: Nga kryqëzimi me rrugën “Tuneleve” deri te kryqëzimi me rrugën “Diga e Liqenit”.
Bulevardet: Zhan D’Ark, Gjergj Fishta, Bajram Curri (segmenti nga ura e Shkozës deri te pallati me shigjeta).
Devijimet për Linjat e Transportit Urban:
Disa linja urbane do të kenë itinerare të ndryshuara:
Linjat Nr. 1/A dhe 1/13: Do të devijojnë në drejtim të “Sheshit Ëillson” ose qendrës.
Linja Nr. 2: Do të devijojë te sheshi “Ëillson”.
Linjat Nr. 5/A, 10/A, dhe 14: Do të pezullohen përkohësisht.
Linja Nr. 8: Do të devijojë te rrethrotullimi “Ekonomikut”.
Linja Nr. “Qyteti Studenti-Jordan Misja”: Do të devijojë në qendër.
Linja Nr. 13: Do të devijojë te rrethrotullimi i “Fabrikës së bukës” dhe në qendër.
Qarkullimi i mjeteve të emergjencës dhe Policisë së Shtetit do të vazhdojë normalisht gjatë gjithë kohës.
