Deri para pak kohësh, Tottenham Hotspur ishte në një seri fantastike të rezultateve prej shtatë ndeshjesh pa humbje, duke shënuar gjashtë fitore dhe një barazim me Arsenalin kryesues, por së fundmi kjo skuadër londineze ka shënuar rezultate negative dhe duke thyer rekorde për të keq.
Spurs morën vetëm një pikë nga pesë ndeshjet e fundit të ligës dhe në ndeshjen e djeshme kundër West Ham, ata zhgënjyen sërish tifozët e tyre. Ata patën avantazhin dhe humbën 1:2, një skenar që po e përsërisin prej kohësh.
Statisticienët bënë të ditur faktin se dje Tottenham u bë klubi i parë në historinë e Premierligës që nuk fitoi në pesë ndeshje radhazi në të cilat udhëheqte 1:0.
Gjithashtu, askush para skuadrës së drejtuar nga Angelos Postecoglou nuk kishte udhëhequr 1:0 në tre ndeshje radhazi në shtëpi dhe kishte humbur në secilën prej tyre.
Londinezo-veriorët janë në pozitën e pestë me 30 pikë të grumbulluara, gjashtë më pak se Arsenali lider./Lajmi.net/
