Timo Werner do të jetë pjesë e Tottenham edhe për sezonin e ardhshëm.
“Spurs” dhe RB Leipzig kanë rënë dakord që sulmuesi gjerman të qëndrojë në Londër edhe për një vit tjetër në formë huazimi.
Në një njoftim në rrjetet sociale, Tottenham thekson se Werner do të jetë në Londër për sezonin e ardhshëm.
“Ne jemi të kënaqur të njoftojmë për arritjen e marrëveshjes për Timo Werner, i cili do të kthehet në huazim nga RB Leipzig për sezonin 2024-2025 me një opsion për ta blerë në fund të huazimit. I marrë në huazim nga Bundesliga në janar, sulmuesi i kombëtares gjermane ishte titullar në skuadrën e Ange Postecoglou në gjysmën e dytë të sezonit që sapo u mbyll”-bën me dije Tottenham./ h.ll/abcnews.al
