Francesko Totti është shumë i lumtur me mënyrën se si miku i tij Daniele De Rosi i ka dhënë gjallëri Romës:
“Nuk e prisja që të bënte kaq mirë menjëherë, por e shpresoja. Ai po tregohet se është një trajner i madh dhe unë, si të gjithë romanistët, shpresojnë të vazhdojnë në këto nivele. Roma është një klub i vështirë dhe po demonstron vlerën e saj.”
Ish-kapiteni verdhekuq, i intervistuar nga “Sportmediaset”, identifikon cilësinë më të mirë të De Rosit: “Të njohësh qytetin, tifozët dhe klubin dhe për këtë arsye t’i bashkosh të gjitha këto për të siguruar që lojtarët të performojnë me qetësinë maksimale”.
Së fundi, ai ka dhënë edhe një mendim për ndeshjen në çerekfinale të Ligës së Europës kundër Milanit. “Kuqezinjtë po bëjnë mirë, kanë gjetur 3-4 lojtarë cilësorë dhe sasiorë. Do të jetë një ndeshje e mrekullueshme, shpresoj që Roma të kalojë. ADN-ja europiane e Milanit do të jetë një faktor shtesë për ta, por nuk është më Milani i dikurshëm…”, përfundoi Totti.
