Një ngjarje tragjike ka ndodhur në stadiumin “Azteca” në qytetin e Meksikos, ku një tifoz meksikan ka humbur jetën pasi ka rënë nga një kat i sipërm i stadiumit.
Sipas raportimeve të policisë lokale, viktima ndodhej në gjendje të dehur dhe kishte tentuar të kalonte nga sektori i dytë në të parin duke lëvizur nga jashtë lozhave. Ai ka rënë në zonën e parkimit të lozhës VIP, duke pësuar plagë të rënda.
Menjëherë pas incidentit, stafi mjekësor ndërhyri për t’i dhënë ndihmën e parë, por fatkeqësisht tifozit nuk i mbijetoi plagëve.
Ngjarja ka shkaktuar reagime të forta, sidomos për faktin që ndeshja miqësore midis kombëtarës së Meksikës dhe Portugalisë u zhvillua normalisht pavarësisht tragjedisë.
Po ashtu, kanë nisur dyshime serioze mbi sigurinë e stadiumit, i cili sapo ishte rihapur pas më shumë se 20 muajsh rikonstruksion, në prag të Kupës së Botës së kësaj vere. Kujtojmë se pikërisht në këtë stadium pritet të luhet edhe ndeshja hapëse e turneut.
