Trajneri i Barcelonës, Hansi Flik, ka folur për mediat në Beograd para sfidës së katërt në Ligën e Kampioneve kundër Cërvena Zvezdës. Tekniku gjerman është shfaqur i bindur në paraqitjen e mirë të lojtarëve të tij, megjithëse pranoi talentin e rivalit dhe atmosferën e shkëlqyer që Barcelona do të gjejë në Beograd.
NDESHJA – “Në këtë edicion të Ligës Kampioneve, është shumë e rëndësishme të fitojmë. Ne e dimë se do të jetë një ndeshje e vështirë. Ne e dimë se Cërvena Zvezda ka një ekip të mirë, ka një sulm shumë të mirë, por objektivi ynë është të fitojmë”.
POZICIONI JASHTË LOJE – “Nuk jam i shqetësuar për statistikat. Ideja jonë është të luajmë futboll, ne kemi një ekip shumë të lidhur në të tre linjat. I gjithë ekipi është në një moment të mirë dhe shpresoj që këtë ta tregojmë edhe në Beograd. Ne kemi presion, por duam të fitojmë”.
MESAZHI PËR EKIPIN – “Lojtarëve ua kam bërë të qartë se derbi ka përfunduar. Në kohët e fundit kemi pasur një nivel të mirë, duke përfshirë edhe derbin. Por e pamë se çfarë ndodhi pasi kryesuam 3-0, ulëm ritmin dhe rrezikuam. Liga e Kampioneve është një kompeticion ndryshe, e gjithë bota e di rëndësinë dhe ne e kemi të qartë se çfarë do të thotë një fitore. Nuk duam të shkojmë përpara mes ‘play off’- it. Duam të kualifikohemi në 8 vendet e para. Në Beograd do të jetë krejt ndryshe nga derbi me Espanjolin”.
NGËRÇI NË CHAMPIONS JASHTË FUSHE – “Nuk më intereson e kaluara e klubit, por e tashmja. Nuk para pëlqej të bëj krahasime. Ne luajmë për të fituar”.
PËRSHTATJA – “Para se të merrja drejtimin e Barcelonës e kam analizuar ekipin në tërësinë e tij. Kam analizuar çdo lojtar dhe kam qenë i bindur si unë dhe stafi im se në këtë skuadër ka shumë cilësi brenda. Dhe ne dëshironim të bënim disa modifikime të lehta. Lojtarëve u ka pëlqyer puna dhe besoj se të gjithë jemi të kënaqur tani. Lojtarëve u pëlqen se si ne luajmë, por natyrisht që ka dhe gjëra për t’u përmirësuar dhe kjo është detyra ime si trajner”.
FITIMI I CHAMPIONS – “Nëse duam t’i shkojmë deri në fund ka shumë punë. Në Champions ka shumë skuadra të mira. Do të gënjeja po të thoja se nuk na pëlqen ta fitojmë Ligën e Kampioneve, por për ta fituar duhet…”
PORTA – “Shezni ka më pak se një muaj që është me ne. Injaki Penja është një portier shumë i mirë, i ri dhe me personalitet. Do të jetë një lojtar i rëndësishëm në Beograd. Na garanton stabilitet dhe na jep siguri”.
LEDJO SEFERKOLLI-PANORAMASPORT.AL
