Pas barazimit të javës së kaluar, Bajer Leverkusen, duhet të kthehet shpejt në nivelin më të lartë në kampionat.
Për të shtyrë disi festën e rivalëve të Bajernit, por edhe për të arritur të paktën objektivin e sezonit për numrin e dytë më të mirë të pikëve në historinë e klubit, Ksabi Alsonsos dhe futbollistëve të tij do t’i duheshin nëntë pikë nga katër ndeshjet e fundit për ta arritur këtë qëllim.
Hapi i parë duhet të bëhet kundër Augsburgut sot në 15:30, me trajnerin që i ka idetë e qarta: “Duam ta përfundojmë sezonin, duke u ndjerë më mirë se tani. Tifozët meritojnë një paraqitje të mirë. Ne duam të shijojmë përsëri futbollin tonë dhe të marrim gëzime prej tij. Jemi munduar të konkurrojmë denjësisht për titullin, por që pas humbjes në kupën e Gjermanisë ndaj Bilefeldit, diçka ndryshoi për keq. Goditjen përfundimtare e morëm në Champions kundër Bajernit në dy ndeshje ku mund të kishim bërë më tepër. Nëse do të kishim avancuar, tani do të ishim në një situatë tjetër e për këtë jam i bindur”.
PANORAMASPORT.AL
