Daja: Përkundër humbjes bëmë një paraqitje të mirë.
Trajneri i FC Ballkanit, Ilir Daja ka thënë së skuadra e tij ka bërë një paraqitje të mirë pavarësisht se humbi sot në Plzen të Çekisë
Daja tha se skuadra e tij arriti që të mbrohet mirë, ku ata arritën që të qarkullojnë topin dhe të krijojmë raste.
“Besoj që tërë këtë paraqitje e meritojnë atë që bënë pasi që të luash të enjten, të luash të dielën, të udhëtosh të mërkurën, kjo tregon se kemi bërë një paraqitje të mirë”, ka thënë ai Daja
Sipas tij Gripshi në pjesën e parë nuk arriti që të bënte ato dalje përpara, për shkak të fushës. E përmirësoj këtë gjë në pjesën e dytë. Daja ka përshëndetur lojën e Halilit që sipas tij ka bërë një lojë të mirë i cili arriti që të neutralizonte krosimet e kundërshtarit që kishte një sulmues me shumë gjatësi .
“Në fund, ne duhet të ulemi me presidentin për të parë edhe ndeshjet që do të kemi në Kosovë e që do të jenë çdo tri-katër ditë. Kosova ka përfituar shumë nga paraqitjet e Ballkanit, ekipet e Superligës dhe një ndër to është Drita që këtë vit shkoi në rrethin e dytë të Ligës së Konferencës”, ka thënë ai.
“Nuk kërkojmë lëmoshë nga asnjë skuadër.Do të vazhdojmë të vuajmë. Duhet të lëshojmë diku do të flasim me kryesinë dhe do të vendosim se ku do të koncetrohemi në kampionat apo në Ligën e Konferencës pasi që në vazhdim na pret një orar i ngjeshur” , tha në fund Daja.
