Trajneri i Danimarkës pas eliminimit nga Gjermania: Kemi treguar se jemi afër gjigantëve
Danimarka u eliminua sonte nga Kampionati Evropian Euro 2024, duke u përshëndetur qysh në raundin e 16-të.
Kombëtarja e Danimarkës pësoi humbje sot në “Signal Iduna Park” me shifrat 2:0 nga Gjermania, me golat që u shënuan nga Kai Havertz dhe Jamal Musiala.
Pas ndeshjes ka reaguar trajneri i Danimarkës, Kasper Hjulmand.
“Vitet e fundit, ne kemi treguar se jemi afër gjigantëve, por ka vetëm një gjë që mungon: Ne duhet të krijojmë dhe të marrim më shumë shanse. Ambicia jonë është t’i bëjmë ballë skuadrave të mëdha – ne jemi duke bashkëpunuar me ekipe për të krijuar lojtarë më të mirë, dhe ndonjëherë arrijmë në gjysmëfinale, ndonjëherë jo. Kroacia ka pasur disa vite të shkëlqyera dhe ja ku duam të jemi”, tha Hjulmand.
