Armando Broja është kthyer sot në fushën e lojës me skuadrën e Evertonit, duke lënë pas krahëve dëmtimin e radhës që e la jashtë për më shumë se dy muaj.
Trajneri Devid Mojes pranoi se në fund ekipi kishte pasur nevojën për aktivizimin e tij dhe Çermitit, por se tani po shihte për herë të parë në veprim sulmuesit që kanë qenë thuajse gjithmonë të dëmtuar.
“Dy sulmuesit na dhanë diçka tjetër. Apo thjesht një shtysë tjetër në fund, që të marrim diçka”, tha fllimisht Mojes për fundin e ndeshjes ku hodhi në fushë edhe Brojën që të tentonte barazimin që skuadra e tij ia doli ta arrinte.
“Çermiti? Unë jam ende duke e njohur atë dhe nuk ishim të sigurt se sa mund të luanin Jusef apo Broja. Por e dija që nuk do ishte për një kohë të gjatë për nivelin tonë. Por mendova se duhej në fund. Ne po fillojmë të shohim diçka nga ata. Por e vërteta është që nuk kam pasur mundësi, të jem i sinqertë as tifozët e Evertonit, sepse ai ka qenë i dëmtuar për të gjithë sezonin. E njëjta gjë me Brojën. Ndaj të gjithë po i shohim për herë të parë”, tha trajneri i Evertonit në konferencë për mediat pas barazimit 1-1 me West Hamin.
