Trajneri i Fiorentinas, Raffaele Palladino, e ka lavdëruar portierin spanjoll David de Gea për paraqitjet që është duke i bërë.
Ish-futbollisti i Manchester Unitedit, De Gea në ndeshjen ndaj Milanit në fundjavë i priti dy penallti dhe ishte vendimtar në fitoren e Fiorentinas me rezultatin 2:1.
“Ai është ende një përbindësh. David de Gea është lojtar i klasit botëror. Ne mund të shohim pse ai është një kampion, një kampion i vërtetë. Ne duhet ta falënderojmë atë çdo ditë, ai është një portier i mirë dhe një model për t’u ndjekur”, ka thënë Palladino, shkruajnë mediumet italiane të hënën.
33-vjeçari u transferua te klubi italian si futbollistë i lirë. Me Fiorentinan ka nënshkruar kontratë njëvjeçare me mundësi vazhdimi edhe për një vit tjetër.
