Kombëtarja e Kroacisë do të luajë kundër Shqipërisë në xhiron e dytë të Grupit B të Kampionatit Evropian në Volksparkstadion të Hamburgut të mërkurën në orën 15:00.
Zlatko Dalic është shprehur i zhgënjyer me atë që ka treguar Kroacia në ndeshjen me Spanjën dhe ka paralajmëruar ndryshime në formacion për takimin me kuqezinjtë, transmeton GazetaBlic Sport.
Në konferencën për shtyp para ndeshjes ai nuk ka dashur t’i zbulojë ato, por ‘Index.hr’ ka zbuluar ndryshimet që do të bëhen.
Lajmi i madh është se Ivan Perisic do të luajë nga minuta e parë. Edhe pse u spekulua se Marcelo Brozovic mund të largohet nga formacioni titullar, kjo nuk do të ndodhë. Dalic vendosi të mos e prekë treshen Modric – Brozovic – Kovaçiq dhe sigurisht që do të startojnë nga minuta e parë.
Budimir largohet nga ekipi
Ndryshimi më i madh është sigurisht në sulm. Edhe pse Dalic e kritikoi drejtpërdrejt pas penalltisë së humbur ndaj Spanjës, në skuadër në vend të Ante Budimirit hyn Bruno Petkoviç. Dalic mendon se Kroacia do të dominojë shumë më tepër se kundër Spanjës dhe në atë lojë Petkoviç është shumë më i dobishëm se Budimiri.
Formacioni i mundshëm: Livakovic, Stanisic, Sutalo, Gvardiol, Perisic, Modric, Kovacic, Brozovic, Majer, Kramaric, Petkovic
/GazetaBlic Sport/
