Trajneri i Napolit, Francesco Calzona, tha në konferencën e tij zyrtare për shtyp para ndeshjes së kthimit me Barcelonën në Champions League se Lamine Yamal mund të bëhet lojtari më i mirë në botë dhe shtoi se takimi me katalanasit është ndeshja e vitit për skuadrën e tij.
“Lamine Yamal ka cilësitë për t’u bërë lojtari më i mirë në botë. Ai është shumë i ri dhe duket si ekspert”, tha trajneri i kampionëve të Italisë.
“Është ndeshja e vitit për ne. Kalimi i raundit do të thotë shumë si në nivel klubi ashtu edhe për entuziazmin e ekipit.”
“Nëse je i frikësuar, as nuk duhet të paraqitesh, duhet të kesh guximin të përballesh me një kundërshtar të fortë, veçanërisht me një kundërshtar që ka qenë në formë të mirë kohët e fundit. Ne duhet të jemi të vetëdijshëm për forcën tonë. Napoli duhet të luajë në mënyrë të barabartë me çdo kundërshtar dhe të përpiqemi të fitojmë ndeshjet”, shtoi Calzona.
Barcelona dhe Napoli ballafaqohen sonte me fillim nga ora 21:00.
/GazetaBlic Sport/
