Modriç hyri në gjashtë muajt e fundit të kontratës me Realin.
Ditët e fundit u përfol për të shkuar në Arabinë Saudite, por në fund ai qëndroi në Madrid.
E nëse do të zgjasë qëndrimin në kryeqytetin spanjoll do të varet vetëm nga ai, të paktën kështu pretendon Ancelotti në njoftimin për ndeshjen ndaj Getafes.
“Modriç është një legjendë. Është vendimi i tij nëse do të vazhdojë kontratën. Unë thashë atë që kam menduar kundër Las Palmas dhe ai e di këtë,” tha italiani.
Pasi u ul në stol kundër Almerias dhe Las Palmas, Ancelotti tha se për respekt për Modric, ai nuk dëshironte ta dërgonte në nxehmje kur e dinte se nuk do ta fuste në lojë.
“Mund ta kuptoj që një lojtar i ri si Guler po nxehet dhe nëse nuk futet, asgjë nuk do të ndodhë, por nuk mund ta bëj këtë me Modriçin, i cili është 39 vjeç, ka fituar pesë Liga të Kampionëve dhe është një legjendë”, u shpreh Anceloti.
