Valon Behrami është një ish-futbollist që e njeh mjaft mirë Igor Tudorin, pasi ka punuar edhe personalisht me të. Ai foli për kalimin e trajnerit kroat te “Zonja”, duke konfirmuar që sipas tij është zgjedhja e duhur dhe se me të në stol do të ndryshohet faqe.
“Tudor shikon menjëherë thelbin, thotë gjërat siç janë. Nuk i pëlqejnë fjalët e tepërta dhe kjo u pëlqen lojtarëve, sepse ata gjithmonë e dinë çfarë të presin nga ai. Me të në stërvitje, kalon përtej mundësive të tua.
Madje, ai dëshiron që të bëhet pak debat, që të ketë pak konkurrencë të shëndetshme. Unë isha në fund të karrierës sime te Udineze dhe ai më tha hapur që nuk mund të garantonte vendin tim si titullar.
Por nuk e bëri për të më demotivuar, përkundrazi, ai gjithmonë kërkonte të më përfshinte, duke më pyetur se si do t’i interpretoja unë ndeshjet. Lojtarët kanë nevojë të ndihen të lirë, të shprehen. Tudor do t’ua japë atyre këtë siguri dhe, kur ndodh kjo, një grup ndryshon fytyrë në pak kohë,” tha ndër të tjera Valon Behrami.
PANORAMASPORT.AL
